流氓童的黑舍彙

上學期

小不參加了學校的閩南語比賽

得獎的獎狀一直到昨天才帶回來

去年小不說要參加比賽

是MAMA幫他撰寫的演講稿

並且請國小時的比賽指導老師幫小不修改

有獲獎...拍拍手

純記錄一下～

演講稿如下：

閩南語演講稿

各位評審老師：大家好！我是編號第    號，今日，我要演講的題目是：「印象上深的一個所在」

印象上深的一個所在

   「人無行，袂出名」！去年歇熱，拄好有一个機緣，乎我會當前往小琉球去做我上愛的音樂演出。這是我頭一擺坐船，我的心情實在是歡喜佮歸工喙笑目笑。

  總算乎我等到出發這一工囉！天色才打噗仔光，我甲小妹歸暝睏袂去早早就起床囉！實在等袂hu想欲卡緊出發。阿爸把車開到屏東縣東港鎮了後，船頭家就來接我們，帶我們上船！因為我是頭一擺坐船，雖然這隻船仔嘸真大隻，但是我猶原感覺真稀奇，

上船了後，船頭家竟然帶我們全家口仔來到船長室，我佮別人無同款，沒想到頭一擺坐船，竟然也當坐佮船長室，看船長阿叔開船，船仔勻勻仔駛出碼頭。這時陣我看到船仔後壁的海水干那乎船仔劃作二條白色的水波浪，船邊的海湧衝佮高高高，沒一時仔久，連鞭就化作水波，我才真真正正體會著什麼號作船過水無痕。

      無諾久，船就來到小琉球的碼頭，大家一個紲一個落船，這工天氣漚鬱熱，好家在有阿叔幫我載樂器和行李，沿路阮看到上濟上媠的風景，阿叔嘛一項仔一項甲我紹介。

    其中乎我印象上深的，第一是「花干仔(瓶音版)石」，是一個頂面粗下面細真像花干仔(瓶)的珊瑚礁岩，干仔(瓶)石是小琉球上有名的美景；第二是「望海亭」，站高高可以欣賞到小琉球的海岸、第三是美人洞，美人洞是風景真特別个所在，亦是一塊吔乎人遐想之古蹟，入去內面，就會乎人想到彼个遇到船難漂流來這住的水姑娘。

阿叔甲我紹介的風景在我表演後，一定要一個一個行行看看。

   時間過了真緊，已經到暗頭仔表演的時間，阿爸無閒咧替我準備樂器的時陣，就已經有附近的伯公帶著孫子，準備要看我的表演，我會記得伯公拿一塊巧克力給我，叫我要先吃完，「有食有行氣」，等一下才有氣力通打鼓，呼我心肝頭感覺揪感心。還有足濟个囝仔兄來看我的表演，在小琉球，我應該是頭一個來打鼓的人，人客看我的表演給我上大的噗仔聲鼓勵，乎我愈打愈有自信，愈打愈歡喜。

莫怪外國朋友攏呵咾咱遮上媠个風景是人，一點仔都無毋對。

    這是我頭一擺來到小琉球，看到美麗的風景和感受著滿滿的人情味，實在呼我感覺真親切。我甲意小琉球這片有感情的土地，甲意藏水味偷看海裡兮大海龜…這裡的風和空氣，有一種人佮土地佮山佮風佮海水透濫作伙，一家親的感覺。

我的演講就講到這，多謝大家！